Арча-Бешик жаңы конушуна ичүүчү суу белгилүү график боюнча берилет

Арча-Бешик жаңы конушуна ичүүчү суу белгилүү график боюнча берилет. Бул туурасында Бишкек шаардык мэриясынын маалымат кызматы билдирет.

Суу төмөнкү график менен берилмекчи:

- 15-июнда саат 7.00дөн 23.00гө чейин конуштун жогорку бөлүгү;

- 16-июнда саат 7.00дөн 23.00гө чейин төмөнкү бөлүгү;

- 17-июнда саат 7.00дөн 23.00гө чейин жогорку бөлүгү;

- 18-июнда саат 7.00дөн 23.00гө чейин конуштун төмөнкү бөлүгү.

"Суу ташуучулардын цистерналары күн сайын дезинфекцияланып, "Аэропорт" суу алгычынан ичүүчү сууга толтурулат. Ар бир автоцистернада ичүүчү суунун сапатын көзөмөлдөгөн химиялык-бактериологиялык лабораториянын корутундусу бар", - деп белгилешти мэриядан.

Муниципалитет жарандарды провокацияларга, ар кандай божомолдорго, имиштерге ишенбөөгө чакырат.

"Ичүүчү суу боюнча абал оор, бирок Бишкек мэриясынын, "Бишкексууканалдын" көзөмөлүндө", - деп айтылат билдирүүдө.