Кыргызстан өнөр жай өндүрүшү боюнча ЕАЭБ өлкөлөрүнөн алдыга чыкты

Кыргызстан 2023-жылдын январь-апрель айларында Евразиялык экономикалык биримдигиндеги өлкөлөрдөн өнөр жай өндүрүшү боюнча алдыга чыкты. Бул тууралуу Евразиялык экономикалык комиссия расмий сайтында жарыялады.

Маалыматта 2023-жылдын январь-апрель айларындагы ЕАЭБ өлкөлөрүнүн өнөр жай жана айыл чарба продукцияларын өндүрүү боюнча рейтинги жазылган. Анда быйыл өнөр жай өндүрүшү 2022-жылдын январь-апрель айларына салыштырмалуу 0,9 пайызга өскөн.

Алсак, Кыргызстанда - 4,6 пайыз,
Казакстанда – 3,5 пайыз,
Арменияда - 2,4 пайыз,
Беларуста - 2,3 пайыз,
Орусияда – 0,6 пайыз.

Ал эми ЕАЭБ өлкөлөрүндө айыл-чарба өнүмдөрүн өндүрүү былтыркы жылга салыштырмалуу 3,1 пайызга өскөн. Бул көрсөткүчтө Беларусь өлкөсү алдыңкы сапта жайгашкан.

Беларуста - 3,7 пайыз,
Казакстанда – 3,6 пайыз,
Орусияда - 3 пайыз,
Кыргызстанда - 2 пайыз,
Арменияда - 0,8 пайыз.