Быйыл Кыргызстанда жолдорду оңдоого жана курууга 6 миллиард сом бөлүнгөн

Бул жылы Кыргызстандын жолдорун оңдоо жана куруу үчүн 6 миллиард сом каралган. Бул тууралуу кечээ, 20-июнда жаңы техникаларды тапшырып жатып министрлер кабинетинин төрагасынын орун басары Бакыт Төрөбаев айтты.

Ал Транспорт жана коммуникациялар министрлигине 84 бирдик атайын техниканы тапшырып жатып министрлер кабинети жол тармагын динамикалуу өнүктүрүүгө өзгөчө көңүл буруп жатканын белгиледи.

"Бул жылы тармактык долбоорлорду ишке ашырууга бюджеттен 6 миллиард сомдон ашуун кражат каралды. Жылдын аягына чейин республика боюнча 855 чакырым жолду куруу жана оңдоо пландаштырылган, алар 587 чакырым – асфальт төшөө, 178 чакырым – жолду бодурлоо (ШПО) жана 90 чакырым – шагыл иштери жүргүзүлөт", - деди Төрөбаев.