Кыргызстандын жалпы карызы канча экени айтылды

2023-жылдын апрель айынын жыйынтыгы боюнча Кыргызстандын жалпы карызы 5 миллиард 640,34 миллион доллар же 493 миллиард 642,85 миллион сомго жетти. Бул тууралуу Финансы министрлиги жарыялады.

Маалыматка караганда, мамлекеттин тышкы карызы 4 миллиард 524,93 миллион долларды түзсө, (396 миллиард 22,14 миллион сом) ички карыз 1 миллиард 115,41 миллион доллар (97 миллиард 620,71 миллион сом ) болгон.

Ошондой эле мамлекеттик карыз айына 17,2 миллион долларга өскөн. Анын ичинен 13,84 миллион доллар тышкы карыз болсо, 3,35 миллион доллар ички карызды түзөт. Апрель айынын жыйынтыгы боюнча мамлекеттик карыз ИДПнын 53,25 пайызын түзгөн.

Белгилей кетсек, тышкы карыздын жарымын (51,6 пайызын) Кыргызстандын көп тараптуу насыялары түзөт. Ал эми тышкы карыздын 47,2 пайызы эки тараптуу жеңилдетилген кредиттердин негизинде түзүлгөн. Анын ичинен республиканын тышкы карызынын 38,4 пайызы Кытайдын Экспорттук-импорттук банкына туура келет, ал апрель айынын жыйынтыгы боюнча 173,23 миллиард доллар болгон.