"Титаникти" көрүүгө кетип дайынсыз жоголгон туристтердин кычкылтеги түгөндү

Атлантика океанына чөгүп кеткен "Титаник" кемесин көрүүгө кетип дайынсыз жоголгон туристтердин суу астында жүрүүчү кемесинде кычкылтек түгөндү. Бул тууралуу чет элдик басылмалар жазып чыгышты.

Маалыматка ылайык, издөө иштери бир нече күндөн бери жүрүп жатат, бирок учурда суу астында жүрүүчү кеменин болжолдуу жайгашкан жери дагы аныктала элек. Бортто 96 саат бою кычкылтек запасы болгон деп болжолдонууда жана туристтер аны толугу менен колдонуп бүтүштү.

“Титан” суу астында жүрүүчү кемесин тапкан күндө да аны тереңдиктен көтөрүү эки саатка чейин созулушу мүмкүн.

Бортунда туристтер бар кеме эмне болгону азырынча белгисиз.