Бишкекте унааларын туура эмес жерге токтоткон такси айдоочуларына эскертүүлөр берилди

Жол кыймылынын коопсуздугун камсыздоо башкы башкармалыгы авто бекеттерге барып, шаар ичи жана алыскы аймактарга каттаган маршурттук унаалардын айдоочуларына жана фирма жектекчилерине жолугуп, түшүндүрүү иштерин жүргүзүүдө. Бул тууралуу Жол кыймылынын коопсуздугун камсыздоо башкармалыгынан билдиришти.

Анда, алыскы аймактарга каттаган таксилер кардарларды алууда жол жээктерине баш аламан токтотушуп, башка жол кыймылынын эрежелерине тоскоолдуктарды жаратуу менен жол эрежелерин одоно бузууда.

"Ошого байланыштуу мындай көрүнүштөргө жол бербөө максатында комплекстүү түрдө иш-чараларды иштеп чыгуу, таксилер каттамга авто бекеттерден гана жарандарды алуу, техникалык жактан талаптарга жооп бербеген унааларды каттамга чыгарбоо, ошондой эле тийиштүү кызматтар менен биргеликте жол жээгиндеги жол белгилерин карап чыгуу, жетишпеген жол белгилерин жана жол чийиндерин жаңылоо, багытында тийиштүү иш-чараларды жүргүзүү боюнча иштерди алып баруу тапшырмалары коюлду", - деп жазылат билдирүүдө.

Ошондой эле коомдук транспорттор каттамга чыгуу учурунда сөзсүз техникалык кароодан жана наркология бөлүмүнөн өтүү керек экендиги эскертилди.