Путин куралдуу төңкөрүш жасоого аракет кылгандарды жок кылууга буйрук берди

Орус аскерлери куралдуу козголоңду уюштургандарды зыянсыздандыруу үчүн керектүү буйрук алды. Бул тууралуу Орусиянын президенти Владимир Путин бүгүн, 24-июндагы кайрылуусунда айтты.

"Мен орус жарандарына, Куралдуу Күчтөрдүн, күч түзүмдөрүнүн жана атайын кызматтардын жеке курамына, азыр өздөрүнүн күжүрмөн позицияларында салгылашып, душмандын чабуулунун мизин кайтарып жаткан жоокерлерге жана командирлерге кайрылам,

Биздин ынтымагыбызды ыдыраткан иш-аракеттер чындыгында элибизден, азыр согушуп жаткан куралдаш досторубуздан баш тартуу болуп саналат, бул мамлекетибизге, элибиздин далысына сайылган бычак.

Биз элибизди да, мамлекеттүүлүгүбүздү да ар кандай коркунучтардан, анын ичинде ички чыккынчылыктан коргойбуз, биздин алдыбызда турган нерсе – бул чыккынчылык.

"Куралдуу күчтөр жана башка мамлекеттик органдар куралдуу козголоңду уюштургандарды зыянсыздандыруу үчүн керектүү буйруктарды алышты. Азыр Москвада, Москва облусунда жана башка бир катар аймактарда кошумча антитеррордук чаралар көрүлүүдө. Ошондой эле Ростов-на-Донуда кырдаалды турукташтыруу боюнча чечкиндүү аракеттер көрүлөт", - деди Путин.