Лукашенко менен сүйлөшүүдөн кийин Пригожин "Вагнерчилерди" артка кайтарды

"Вагнер" аскердик компаниясынын лидери Евгений Пригожин Беларусь президенти Александр Лукашенко менен сүйлөшкөндөн кийин Москвага бара жаткан колоннаны артка кайтарды.

Өзүнүн жаңы кайрылуусунда Евгений Пригожин алар "Вагнерчилерди" таркатууну каалашарын, ошондуктан согушкерлер 23-июнда "адилеттик маршына" чыгышканын айтты.

"Москвага чейин 200 километрге жетпеген жолду басып өттүк. Бул убакыттын ичинде биз согушкерлерибиздин бир тамчы канын төккөн жокпуз. Азыр кан төгүлө турган учур. Ошондуктан бардык жоопкерчиликти түшүнүп, биз колонналарыбызды буруп, план боюнча карама-каршы тарапка – талаа стандарына жөнөп жатабыз", - деп жазды Евгений Пригожин телеграм каналына.

Ага чейин Беларусь президенти Александр Лукашенко Евгений Пригожин менен сүйлөшүүлөрдү жүргүзөрүн жарыялаган. Анын айтымында, тараптар Орусиянын аймагында кандуу кыргынды чыгарууга жол бербөө боюнча бир бүтүмгө келишкен.