Москвада контр-террордук операцияга байланыштуу киргизилген чектөөлөр алынды

Москвада контр-террордук операцияга байланыштуу киргизилген чектөөлөрдүн бардыгы алып салынды. Бул тууралуу орус басылмалары жарыялады.

Маалыматка ылайык, москвалыктар 26-июндан баштап мурдагыдай эркин жүрө алышат. Шаар мэри Сергей Собянин 1-июль күнү мектеп окуучуларынын бүтүрүү кечеси да боло турганын маалымдаган.

Эске салсак, 24-июнда Орусиядагы "Вагнер" жеке менчик аскердик компаниясынын лидери Евгений Пригожиндин Москвага жасаган жүрүшүнө байланыштуу өлкөдө контр-террордук режим жарыяланган. Ал эми шаарда коомдук кыймыл чектөөгө алынып, массалык иш-чараларды өткөрүүгө тыюу салынган.