Өлкөдө айрым такси айдоочулары жүргүнчүлөрдү бекер ташууда (сүрөт)

Өлкөнүн айрым аймактарында такси айдоочулары Курман айт майрамынын урматына унаасына "бекер такси" деп жазып алып жүргүнчүлөрдү бекер ташууда. Алардын сүрөттөрүн социалдык тармактардан көрүүгө болот.

Ал айдоочулардын ичинен Оштун такси кызматкери бир гана бекер ташыбастан, жүргүнчүлөргө момпосуй да тараткан.

Ысык-Көлдүн Михайловка-Каракол каттамынын айдоочулары да жүргүнчүлөрдү бекер ташышты.

Ушундай эле көрүнүштү Бишкектин таксисттеринен да көрүүгө болот. Алар унааларынын арткы терезесине "Айт маарек болсун, такси акысыз" деген жарыяны чаптап чыгышкан.