Ош. Шаарда Өзгөчө кырдаалдар министрлигинин кырдаалдардын алдын алуу жана кесепеттерин жоюу боюнча аймактык департаментинин ишин жайылтуу тууралуу жыйын болуп өттү

Кечээ, 11-декабрда Ош шаарында өзгөчө кырдаалдардын алдын алуу жана кесепеттерин жоюу боюнча департаменти аткарган жумушу жана көрсөткүчтөрү тууралуу  министрликтин башка түзүмдүк бөлүмдөрүнө жайылтуу боюнча атайын жыйын өттү. Жыйында өзгөчө кырдаалдар министри Кубатбек Боронов жана министрдин орун басарлары министрликтин  9 ай ичинде аткарган жумуштарынын жыйынтыгын угузушту. Маалымат катары айта кетсек,  2013-жылга мамлекеттик бюджет тарабынан өзгөчө кырдаалдардын алдын алуу жана кесепеттерин жоюу  боюнча курулуштарга, авариялык калыбына келтирүүлөргө 120000 миң сом акча каражаты  каралган. Бул тууралуу Өзгөчө кырдаалдар министрлигинин басма сөз кызматы билдирет.