"Эл үмүтү" стипендиясына документтерди кабыл алуу мөөнөтү узартылды

"Эл үмүтү" эл аралык стипендиясына документтерди кабыл алуу 10-июлга чейин узартылды. Бул тууралуу Билим берүү жана илим министрлигинен билдиришти.

Маалыматка ылайык, документтерди онлайн кабыл алуу 1-июлдан 10-июлга чейин жүргүзүлөт. Ошондой эле документтердин оригиналын министрликтин 3-кабатында жайгашкан 317-кабинетке тапшыруу керек.

Белгилей кетсек, “Эл үмүтү” стипендиясы жыл сайын Республикалык комиссия тарабынан конкурстук тандоодон өткөн таланттуу жаштарга ыйгарылат.

Стипендия таланттуу жаштарга QS World University Rankings, Times Higher Education топ-100 дүйнөлүк рейтингине кирген чет өлкөлүк жогорку окуу жайларында магистр жана PhD доктору деңгээлинде билим алууга мүмкүнчүлүк берет. Ал эми толук маалымат шилтемеде камтылды.

Стипендияга шилтеме аркылуу катталууга болот.