Бишкек-Нарын-Торугарт унаа жолунда түнкүсүн жарык берүүчү ленталар илинүүдө

Чүй облусу боюнча ЖКККБнын жол көзөмөлдөө бөлүмүнүн кызматкерлери тарабынан Бишкек-Нарын-Торугарт унаа жолунда түнкүсүн айдоочуларга жарык берүүчү ленталар илинүүдө.

Мекеменин басма сөз кызматы ЖКККБ тарабынан буга чейин жол көзөмөлдөө мекемелерине сунуштамалар берилип келгенин, тилекке каршы жасалбай келгендигин белгиледи.

Бишкек-Нарын-Торугарт унаа жолунда жол кырсыктарынын бирден бир себеби жол белгилери жана жол сызыктарынын жоктугу. Бул көрүнүштөрдү жоюу жана жол кырсыктарын алдын алуу максатында бүгүнкү күндө Чүй ОИИББи боюнча ЖКККБнын жол көзөмөлдөө бөлүмүнүн кызматкерлери айдоочуларга кечкисин жарык берүүчү элементерди ар бир бурулушка жана жолду бөлүп турган бетондорго чаптап чыгышты", - деп айтылат билдирүүдө.