17-июлдан тарта Ысык-Көлгө күн сайын поезд каттайт

17-июлдан тарта Ысык-Көлгө поезд күн сайын каттайт. Бул тууралуу “Кыргыз темир жолу” мамлекеттик ишканасы эскертет.

Маалыматка ылайык, курам 7 вагондон туруп, 185 жүргүнчүгө эсептелген.

Бишкектен Балыкчыга поезд менен 4 саатта жетсе болот. Жол кире чоңдор үчүн 150 сом, балдарга 73 сом болсо, 5 жашка чейинки балдарга акысыз.

Ал эми ыңгайлуу шарттар менен жетем дегендер үчүн 500 сомдук жаңы үлгүдөгү вагондор жеткиликтүү.

Учурда поезд Балыкчыга жума, ишемби жана жекшемби күндөрү каттап жатат.