"Шариятка туура келбейт". Ооганстанда сулуулук салондорунун жабылуу себептери айтылды

Ооганстанда бардык сулуулук салондоруна тыюу салынды. Бул тууралуу чет элдик басылмалар жазып чыгышты.

Маалым болгондой, сулуулук салондору Ооганстандагы үй-бүлөлөргө “ашыкча жүк” болууда. Анда Ыймандуулукту жайылтуу министрлигинин басма сөз катчысы Акиф Мохажер каш терүү, чач өстүрүү шариятка каршы келерин айтты.

Ооганстандын борбор калаасы менен провинцияларында сулуулук салондоруна тыюу салуу министрлик тарабынан эки күн мурда жарыялаган. Кийинчерээк БУУнун Ооганстандагы миссиясы өлкөдөгү башкаруучу Талибан кыймылын * (террордук ишмердүүлүк үчүн БУУнун санкциясы астында) бул тыюуну алып салууга чакырган, бирок оң чечим болгон эмес.

Эске салсак, 4-июлда Талибан кыймылы көзөмөлдөгөн Ооган өкмөтү бир айдын ичинде өлкөдөгү бардык чач тарачтар менен сулуулук салондорун жабуу боюнча буйрук чыгарган.