Григорий Лепс Кыргызстандагы концертинин болбой калгандыгынын себебин айтты

"Ал жактагылардын көбү жакшы адамдар, кээ бир ашынган солчулдарга же ашынган оңчулдарга 20 доллар төлөнүп берилген. Ошондуктан алар аракет кылып жатышат. Бирок концерт болбосо деле мага баары бир. Мындан тышкары, алар өз өлкөсүнүн кожоюндары. Кимди киргизет, кимди киргизбейт өздөрү билишет. Бирок бул кылган кылыктары музыкага эч кандай тиешеси жок, музыка саясаттан тышкары болушу керек. СВО үчүн эртең мага дүйнөдөгү бардык жерлерге саякаттоого тыюу салса деле мен өз өлкөмдө гана иштейм деп сыймыктанам жана кубанам", - деди Григорий Лепс.

Эске салсак, 6-июлда уюштуруучулар орусиялык ырчынын Чолпон-Атадагы концерти болбой тургандыгын жарыялашкан.

Ырчынын концерти эмне себептен токтотулгандыгы азырынча белгисиз.