9 ай ичинде Мамлекеттик жаза аткаруу кызматында 5,7 миллион сомдук буюм тигилген

2013-жылы 9 ай ичинде Мамлекеттик жаза аткаруу кызматында 5,7 миллион сомдук буюм тигилген. Бул тууралуу Бириккен улуттар уюму менен Европа биримдигинин баңгизаттар жана кылмыштуулук боюнча долбоорунун отчётунда көрсөтүлгөн.

Анда 2013-жылы №2-аялдар камагынан Европа биримдигинин жана ЮНИКОДдун каржылык колдоосу менен тигүүчүлүк өндүрүшү ишке киргизилип, жыйынтыгында 5 миллион 727 миң сомдук товар чыгарылган. Өткөн жылы бул багытта 1 миллион 427 миң сом түшкөн.

Былтыркы жылга салыштырганда өндүрүштүн көлөмү 33,2 пайызга өскөн. Ушул жылдын октябрь айында камалган аялдардын 142иси жумуш менен камсыз болгон. Мындан сырткары үстүбүздөгү жылы №3-абакта нан бышыруучу цех иштей баштаган.

Наабайчынын бир айлык маянасы орто эсеп менен 2205 сом. Ал эми жүк ташуучу - 1470, тизгич – 1828 сом акы алат. Ай сайын 23 тонна нан чыгарылып, №3-колонияга жана 50-СИЗОго жөнөтүлөт.