Ленин округу боюнча кайра шайлоого канча каражат жумшалат? БШКнын жообу

Бишкек шаарындагы Ленин бир мандаттуу шайлоо округу боюнча Жогорку Кеңештин депутатын кайра шайлоого 13,2 миллион сом жумшалат. Бул тууралуу бүгүн, 12-июлда Борбордук шайлоо комиссиясынан билдирди.

Маалыматка ылайык, бүгүнкү отурумда кезексиз шайлоону 10-сентябрда өткөрүү чечими чыгарылып, ага кете турган чыгымдардын сметасы бекитилген.

Эске салсак, Ленин бир мандаттуу шайлоо округу боюнча буга чейинки кезексиз шайлоо 28-майда болуп өткөн. Ага 18 миллион 836,5 миң сом жумшалган.