Ошто 19 жеке медициналык борбор жабылды 

Ошто медициналык кызмат көрсөткөн 19 жеке менчик мекеме жабылып, 8 ишкананын иши укук коргоо органдарына кароого жөнөтүлгөн. Бул тууралуу Ош шаардык мэриясынын маалымат кызматы билдирди.

Маалым болгондой, буга алардын санитардык-гигиеналык ченемдерин сактабагандыгы себеп болгон.

Ага ылайык, бүгүн, 14-июлда Ош шаарынын мэринин орун басары Нурбек Кадыров Ош шаарынын мэриясынын саламаттык сактоо тармагын башкаруу боюнча координациялык кеңешмесинин протоколдук тапшырмасын аткаруу боюнча жыйын өткөрдү.

Анда жеке менчик ишканалар, анын ичинде сулуулук салондор, тиш дарылоочу бөлмөлөр, медициналык борборлор, хижама бөлмөлөрү жана башка медициналык кызмат көрсөткөн жеке менчик ишканалардын мыйзам бузууларын жоюу боюнча жүргүзүлүп жаткан иштердин аткаруу маселеси каралды.

Жыйынтыгында тиешелүү кызматтарга кан аркылуу жугуучу инфекциялардын АИВ, гепатиттин алдын алуу боюнча иштерди күчөтүү тапшырмасы берилди.