"Эл кол чаап, кучакташып...". Блогер Улукбек Карыбек уулу сот залынан бошотулду

Бүгүн, 16-июлда Ош шаардык соту блогер Улукбек Карыбек уулунун баш коргоо чарасын карады.

Анда судья блогерди эч жакка чыкпоо тил каты менен сот залынан бошотту.

Судья чечимди окуп бүткөндөн кийин залдагы эл кол чаап, бири-бири менен кучакташты.

Соттун имаратынан чыккандан кийин чогулган эл Улукбек Карыбек уулуна калпак кийгизип, чепкен жабышты.

14-июлда Улукбек Карыбек уулу Бишкектен кармалган. Анын үстүнөн Ош облустар аралык бириккен клиникалык ооруканасынын кызматкерлери арыз жазышкан.