"Уктап калып...". Ошто 50 жаштагы аял өз жанын кыюуга аракет кылды 

Ош шаарында өз жанын кыюуга аракеттенген аял куткарылды. Бул тууралуу бүгүн, 18-июлда Өзгөчө кырдаалдар министрлигинен билдиришти.

Маалым болгондой, 17-июль күнү А.Масалиев көчөсүндө жайгашкан көп кабаттуу үйдүн батиринде 1973-жылы туулган Т.М. аттуу аял бөлмөнүн ичинде кулпуланып алып, өз өмүрүн кыюуга аракет кылып жаткандыгы тууралуу маалымат түшкөн.

Жерине 5 куткаруучу тартылган. Куткаруучулар кулпуланган эшикти ачканда аял уктап жатканы аныкталып, "Тез жардам" кызматкерлерине өткөрүлүп берилген. Абалы жакшы.