Төрага Нурлан Шакиевдин иниси Жыргалбек Шакиев Ленин районуна аким болду

Жыргалбек Шакиев Бишкектин Ленин районуна аким болуп дайындалды. Бул тууралуу бүгүн, 18-июлда калаа мэриясынан билдиришти.

Маалым болгондой, тиешелүү буйрукка борбор калаанын мэри Эмилбек Абдыкадыров кол койду.

Жыргалбек Шакиев 1979-жылы Кербен шаарында туулган. 2020-жылы “Мекенчил” партиясынын атынан Жогорку Кеңештин депутаттыгына талапкерлигин көрсөткөн. 2021-жылдын январь айынан май айына чейин Аксы районунун акими болгон. 2021-жылдын май айынан баштап Чүй облусуна караштуу Чүй районунун жетекчилик кызматын аркалаган.

Белгилей кетсек, Жыргалбек Шакиев Жогорку Кеңештин төрагасы Нурлан Шакиевдин бир тууганы.