Рамзаттын эки бөйрөгүн жана боорун алмаштыруу керек. Апасы коомчулуктан жардам сурады

16 жаштагы Рамзат Турдуматов эки бөйрөгүнө жана бооруна операция жасатууга муктаж. Бул тууралуу апасы Шахноза Иминова SUPER.KG порталына кайрылганда айтты.

Айтымында, Индияда Рамзаттын эки бөйрөгүнө, бооруна операция жасатууга 60 миң доллар керек. Үй-бүлөнүн чамасы чак келбегендиктен коомчулуктан көмөк суроого мажбур болуп турган чагы.

"Он жылдан бери балам экөөбүз бул оору менен алышып жүрөбүз. 6 жашында бөйрөгүндө таштар пайда болгон. Дарыландык, операция жасаттык, майнап чыккан жок. Азыр жумасына 3 жолу гемодиализ алат. Бөйрөгүндө таштар аябай көп экен дешти. Эки бөйрөгүн, боорун алмаштыруу зарыл. Донор табылган. Индиядагы операциясына 60 миң доллар керек экен. Үй-бүлөбүздүн чамасы ченелүү болгондуктан элге кайрылууну туура көрдүм", - деди Рамзаттын апасы.

Жардам берүүнү каалагандар үчүн реквизиттер:

Мбанк: 0703 248 354

Элкарт: 9417039446285609

Сбербанк: 4817 7602 8262 9652

Оптима: 4169585356047422

Америкадагы банктык эсеп: 5275 2000 2837 2988

Zelle: +1 224 536 0382