"ЭЛДИК КАБАРга" жооп: "Оштогу онкологиялык борборго баргандардын баары УЗИге түшүп кеткен"

Бүгүн, 18-июлда Оштун Кара-Суу районундагы Учар айылынын тургуну ЭЛДИК КАБАР бөлүмүнө кайрылып, Ош облустук онкологиялык борборунун ишине нааразы болгон. Тургун ишемби күнү ооруканада бир эле дарыгер болгонун, ал УЗИ аппаратын иштете албай койгонун айткан.

Ал эми Саламаттыкты сактоо министрлиги ал күнү оорукананын жетекчиси иш ордунда болгонун, бардык бейтаптар УЗИге түшүп кеткенин айтты.

"Онкологиялык борбордун жетекчиси ал күнү иш ордунда эле болгон. Дарыгерлердин бири эмгек өргүүгө кеткен, бири ошол күнү ооруп, жумушка келе албай калган. Буга байланыштуу оорукана башчысы жеке клиникадан атайын бир дарыгерди чакырып келген. Ал аппаратты текшерип, өздөштүргүчө ошончо убакытты алган. Ал жерде 7 бейтап болгон, бирөө оор абалда экен. Алардын баары УЗИге түшүп кетишкен", - деп билдирди министрликтен.