Бишкекте бир катар троллейбус каттамдарынын кыймылы убактылуу өзгөртүлөт  

21-июлдан 23-июлга чейин Бишкекте канализациялык коллектордун реконструкциялоосуна байланыштуу Чүй - Фучик көчөлөрүнүн кесилиши автотранспорт кыймылы үчүн жабылат. Бул тууралуу бүгүн, 20-июлда калаа мэриясынан кабарлады.

Маалымдалгандай, оңдоо иштерине байланыштуу төмөнкү каттамдардын маршруттары жарым-жартылай өзгөртүлөт:

2-10-троллейбустар "Фрунзе заводунун" акыркы аялдамасынан эки тарапка Москва көчөсү менен жүрөт, андан ары маршрут боюнча.

14-троллейбус Дэн Сяопин проспектисинен Интергельпо-Московская-Бейшеналиева-Чүй көчөлөрү менен кетет жана андан ары маршрут боюнча.