Быйыл Эгемендүүлүк күнү Ошто белгиленет

Президент Садыр Жапаров 31-августта облустардын бирине барып, элге кайрылуу жасайт. Бул тууралуу министрлер кабинетинин башчысы Акылбек Жапаров 20-июлда министрлер кабинетинин жыйынында билдирди.

«31-августта Ош жана Ноокат шаарларында болобуз, Насирдин Исановдун 80 жылдыгын жана Эгемендүүлүк күнүн ошол жерде өткөрөбүз. Силерден сураныч - ар бир министрлик имараттардын сырткы көрүнүшүн оңдоп бериши керек. Кыйшык, жантайыңкы имараттар болбошу үчүн», - деди ал.