Сокулукта кышка камдалган 3000 түк чөп күйүп кетти

Сокулук районунун Асылбаш айылында кышка камдалган 3000 түк тоют чөп күйүп кетти. Бул тууралуу бүгүн, 21-июлда Өзгөчө кырдаалдар министрлигинен билдиришти.

Маалыматка ылайык, Асылбаш айылындагы Иманкулов көчөсүндө жайгашкан бастырмада жыйылган чөп күйүп жатканы тууралуу билдирүү келип түшкөн. Жерине Сокулук райондук №24 Өзгөчө кырдаалдар бөлүмүнөн бир күжүрмөн топ тартылган. Өрт өчүрүүчүлөр 13:40та жерине жеткен. Ал эми өрт 14:00дө чектөөгө алынып, 21:13тө толугу менен өчүрүлгөн.

Кырсыктын кесепетинен 120 чарчы метр бастырма, кышка камдалган 3000 түк тоют күйүп кеткени айтылды. Кырсыктан жабыркагандар жок. Учурда өрттүн келип чыгуу себеби такталып жатканы кабарланды.