1-январдан тарта өлкөдө кош бойлуулук жана төрөт боюнча жөлөкпул эки эсеге көбөйөт

Кыргызстанда 2024-жылдын 1-январынан тарта иштеген аялдарга кош бойлуулук жана төрөт боюнча жөлөк пул эки эсеге көбөйөт. Бул тууралуу бүгүн, 22-июлда Эмгек, социалдык камсыздоо жана миграция министрлигинен билдиришти.

Маалым болгондой, өлкөдө иштеген аялдарга кош бойлуулук жана төрөт боюнча жөлөк пул алгачкы он иш күнү үчүн эмгек акынын 100 пайыз өлчөмүндө иш берүүчүлөр тарабынан, ал эми 11-иш күнүнөн баштап – айына 10 эсептик көрсөткүч (1000 сом) эсебинде республикалык бюджеттен аныкталат.

Ага ылайык, Эмгек, социалдык камсыздоо жана миграция министринин орун басары Жылдыз Полотова 2024-жылдын 1-январынан тартып кош бойлуулук жана төрөт боюнча жөлөкпулдун өлчөмү жөлөк пулдун өлчөмү 100 пайызга жогоруларын (1000 сомдон 2000 сомго чейин) айтты.

"Ал эми бийик тоолуу шарттарда жана жетүүгө кыйын алыскы зоналарда иштеген аялдарга кош бойлуулук жана төрөт боюнча жөлөк пулду төөлө толук эмгек акынын өлчөмүндө, башкача айтканда, бардык иш күндөрү үчүн эмгек акынын 100 пайыз өлчөмүндө жүргүзүлөт", - деди Жылдыз Полотова.

Белгилей кетсек, бүгүнкү күндө кош бойлуулук жана төрөт боюнча жөлөк пулдун орточо өлчөмү 16,1 миң сомду түзөт. 2023-жылдын алты айында 15,5 миң адам кош бойлуулук жана төрөт боюнча жөлөк пул алып, республикалык бюджеттен каржылоонун жалпы суммасы 249, 8 миллион сомду түздү.