Украинанын учкучсуз учуучу аппараттары Москвага дагы бир ирет чабуул жасоого аракет кылды

Орусиянын Коргоо министрлиги бүгүн, 24-июлда Украина Москвадагы объектилерге эки учкучсуз учак менен сокку жасоого аракет кылганын билдирди.

"24-июль күнү эртең менен Киев эки учкучсуз учуучу аппараты менен Москва шаарындагы объектилерге теракт жасоого аракет кылып, ал токтотулду. Эки украиналык учкучсуз учак жок кылынды", - деп айтылат министрликтин маалыматында.

Кол салуу аракетинен жабыркагандар болгон жок.

Бул Киевдин Москвага пилотсуз учак менен чабуул жасоонун биринчи аракети эмес. 4-июлда Москвада беш учкучсуз учак атып түшүрүлгөн.