Бишкектеги "Огни Ташкента" кафесинен өрт чыкты

Бишкекте Курманжан Датка көчөсүндө жайгашкан "Огни Ташкента" тамактануучу жайында өрт чыкты. Бул тууралуу Өзгөчө кырдаалдар министрлигинен билдиришти.

Маалыматка ылайык, бүгүн саат таңкы 04:00 чамасында Бишкектин Свердлов районунун Курманжан Датка көчөсүндө жайгашкан кафеден өрт чыккандыгы тууралуу маалымат түшкөн. Өрттү өчүрүүгө Свердлов жана Октябрь райондук өзгөчө кырдаалдар бөлүмдөрүнөн жалпы 3 күжүрмөн эсеп тартылган.

Өрт өчүрүүчүлөрдүн аракети менен өрт таңкы саат 04:44 тө чектөөгө алынып, 05:06 да толугу менен өчүрүлгөн. Өрттүн кесепетинен тамактануучу жайдын 200 чарчы метр ашканасы күйгөн.

Учурда өрттүн келип чыгуу себептери такталып жатканы айтылды.