Супер-Инфо
super.kg видео
TikTok колдонуучулары эми видео жана cүрөттөрдөн сырткары тексттик билдирүүлөрдү дагы жайгаштыра алат. Бул тууралуу The Verge басылмасы жазып чыкты.
Маалыматка караганда, эми TikTok социалдык тармагында тексттик публикацияларды бөлүшүүгө болот. Ошондой эле колдонуучулар билдирүүлөргө үн кошуп, жайгашкан жерин белгилей алат жана пикир калтыруу мүмкүнчүлүгүнө ээ.
Ал эми аталган социалдык тармактын өкүлдөрү тексттик билдирүүлөрдө фон түстөрү, стикерлер жана хэштегдер бар экенин жана башка контенттин түрлөрү сыяктуу интерактивдүү болорун айтышууда.
Тексттик билдирүүлөр визуалдык жактан Instagram'дын Stories бөлүмүнө окшош. Колдонуучулар фон түсүн кошуп, тексттин көрүнүшүн оңдоп, билдирүүлөргө музыка жана стикерлерди кошо алышат.
