Караколдогу пляждан эркек кишинин жансыз денеси табылды. Сөөк 3 айдай жатып калган

Каракол шаарындагы көлдүн пляжынан эркек кишинин жансыз денеси табылды. Мындай маалыматты SUPER.KG порталына Ысык-Көл облустук ички иштер башкармалыгынан билдиришти.

Билдирүүгө ылайык, 18-июль күнү Каракол ШИИБдин нөөмөт бөлүмүнө шаардык пляждан 50-60 метр алыстыкта ​​чычырканактардын арасынан белгисиз адамдын жансыз денеси табылгандыгы тууралуу маалымат түшкөн. Бул факты шаардык милициянын электрондук маалымат реестрине катталып, окуя болгон жерге ыкчам-тергөө тобу жөнөтүлгөн.

Сөөктү сырттан кароодо зордук-зомбулуктун белгиси байкалган эмес, ошондой эле өлүк 2-3 айга жакын жатканы аныкталган.

Өлүмдүн себебин аныктоо үчүн соттук-медициналык экспертиза дайындалып, сөөк Бишкекке жеткирилген.

Учурда табылган жансыз дененин аты-жөнүн тактоо иштери жүрүп жатат.