Президент прокуратурадан тергөө функциясын алып салуу боюнча мыйзамга кол койду

Өлкө башчы Садыр Жапаров "Прокуратура жөнүндө" конституциялык мыйзамга өзгөртүүлөрдү киргизүү тууралуу мыйзамга кол койду. Бул тууралуу бүгүн, 26-июлда президенттин басма сөз кызматынан билдирди.

Аталган конституциялык мыйзам расмий жарыяланган күндөн тартып күчүнө кирет. Ага ылайык, Башкы прокуратурадан тергөө функциялары алып салынат. Башкы прокуратуранын функциялары УКМКга, Ички иштер министрлигине жана Аскердик прокуратурага өткөрүлөт.

Белгилей кетсек, мыйзам Жогорку Кеңеш тарабынан 29-июнда кабыл алынган.