Бишкекте Көк-Жар конушунун Молдокулов көчөсүндө 280 орундуу бала бакчанын курулууда. Бул тууралуу бүгүн, 28-июлда Бишкек мэриясынын маалымат кызматы билдирди.

Маалым болгондой, мектепке чейинки мекеме эки кабаттуу. Имараттын жалпы аянты - 2927 чарчы метр. Ал эми жердин аянты - 0,8 гектар.

"Имаратта, кийинүү, оюн, кампа, уктоочу, медициналык кабинет, тамак-аш сактоочу жай, ашкана, медициналык, изоляциялык, ар бир топ үчүн кампа, тазалоо шаймандары үчүн кампа, ошондой эле машыгуу залы, музыкалык зал каралган", - деп айтылат маалыматта.

Белгилей кетсек, учурда бала бакчанын 1-кабатынын каркасы толук бүттү. 2-кабаттын колонналарынын монолити даярдалууда. 1-кабаттын ички жана тышкы дубалдарын кыш менен тургузуу иштери башталды.