Өлкөдө унааны кайра каттоодо ОСАГОну милдеттүү түрдө киргизүү сунушталды

Унааны кайра каттоодо милдеттүү документтердин тизмесине милдеттүү камсыздандыруу полисин (ОСАГО) киргизүү сунушталды. Мындай маалымат Финансы рыногун жөнгө салуу жана көзөмөлдөө мамлекеттик кызматынын сайтына жарыяланды.

"Автоунааны милдеттүү камсыздандыруу системасын киргизүү мамлекеттик маанидеги окуя болуп саналат. Анткени бул оң натыйжаларды алып келет, полис алуу тараптардын ортосундагы талаш-тартыштарды жөнгө салып, транспорт ээлеринин жол кырсыгынан тарткан чыгымдарын жаап берет. Бүгүнкү күндө ОСАГО камсыздандыруу полисин алуунун кыйыр механизмдерин колдонуу зарылчылыгы бар", - деп жазылат маалыматта.

Белгилей кетсек, ОСАГО жөнүндө мыйзам жети жыл мурун кабыл алынган. Бирок документти ишке ашыруу ушул жылга чейин бир нече жолу кийинкиге калтырылып келген. 1-апрелден тарта полиси жокторго 3 миң сомдон айып пул салынары кабарланган.