Баткенде турак жайларды сел коркунучунан коргоо иштери жүрүүдө

Баткен облусунун Кадамжай районунун Охна айылында сел өтүүчү сайда коргоочу тосмону калыбына келтирүү иши жүрүүдө. Бул тууралуу бүгүн, 2-августта Өзгөчө кырдаалдар министрлигинен билдиришти.

Министрликтен билдиришкендей, Бостон, Гүзөр участкасында жүрүп жаткан курулуш иштери 1,5 чарчы тереңдикти камтыйт.

"Иштердин жыйынтыгы менен 180 турак үй, 4 чакырым ички чарбалык жол жана 190 гектар айыл чарба жер аянты сел кооптуулугунан коргоого алынат", - деп айтылат маалыматта.