Ошто Ак-Буура дарыясынын жээгине мыйзамсыз курулуш иштерин жүргүзүп жаткан жаран аныкталды

Ошто мыйзамсыз курулуш иштерин жүргүзгөн жаран аныкталды. Бул тууралуу бүгүн, 2-августта Ош шаарынын мэриясынан билдиришти.

Маалымдалгандай, Ош шаарынын Н.Исанов көчөсүнүн 52 дарегинде У. Белекбаев аттуу жаран өз билемдик менен Ак-Буура дарыясынын жээгинде таш бетондон уруксатсыз курулуш жүргүзүп жаткандыгы аныкталды.

Ага ылайык, жер тилкеси Ак-Буура дарыясынын суу корук аймагы болуп, курулушка тиешелүү архитектуралык уруксат иш кагаздары жок болуп чыкты.

Мындан улам курулуш жүргүзүп жаткан жеке тарапка өз эсебинен бир күн аралыгында бузуп салуу милдеттендирилди.

"Эгер белгиленген мөөнөттө курулуш бузулбаса, анда Ош шаарынын мэриясынын муниципалдык менчик башкармалыгы тарабынан бузулуп, калыбына келтирилет", - деп жазылат маалыматта.