Бишкекте мыйзамсыз басып алынган жерлердеги үйлөрдүн пайдубалы бузулууда (сүрөт)

Бишкектин Свердлов районунда мыйзамсыз басып алынган жерлердеги үйлөрдүн пайдубалы бузулууда. Бул тууралуу бүгүн, 4-августта калаа мэриясынан кабарлады.

Маалыматка ылайык, жер тилкелерин мыйзамсыз басып алуу фактыларын аныктоо жана бөгөт коюу боюнча иштер жүргүзүлүүдө. Анын алкагында жеке турак жайларды куруу үчүн жер тилкелерин мыйзамсыз басып алуу фактылары аныкталууда.

Комиссиялык текшерүүлөрдүн жыйынтыгы менен төмөнкү даректер боюнча пайдубалдарды жана турак-жай курулуштарын куруунун фактылары аныкталды.

- "Кызыл куруучу" конушунда уруксат кагаздары жок курулган 2 пайдубал табылды;
- "Дачная-Керчинский" жана "Кайыңды-Шоро" конуштарына 5 пайдубал куюлган;
- “Ак-Тилек” конушунда дубалды көтөрүү стадиясында курулуш токтотулган;
- "Ак-Тилек-2" жана "Дордой" конуштарында 2 өз алдынча курулган турак-жайлар аныкталды.

Бүгүнкү күндө уруксат кагаздары жок курулган "Кызыл куруучу" конушундагы 2 пайдубалды бузуу иштери жүрүп жаткандыгы кошумчаланды.