Бишкекте жүргүнчү ташыган унааларга шарттар түзүлөт

Бишкектеги милициянын кайгуул кызматынын Жол көзөмөлдөө бөлүмүнүн кызматкерлери жүргүнчү ташыган айдоочуларга ыңгайлуу шарт түзүү максатында көчмө комиссиясынын жыйыны уюштурулду. Бул тууралуу бүгүн, 4-августта Милициянын кайгуул кызматынан билдиришти.

Маалымдалгандай, Батыш автобекетинде республиканын аймактарына каттаган жеңил унаалары жана коомдук транспорт каражаттарынын кирүүсүндө жана чыгуусунда жол кыймылын уюштуруусун, жол белгилерин орнотуу, унаалардын жүрүү бөлүгүндө жолдордун салынышы, жол чырактарынын кошумча орнотулушу, жол алдынан өтүүчү жөө адамдардын жолдорун оңдоп-түзөө иштери каралып, тийиштүү кызматтарга тапшырмалар коюлду.