Бишкектин Дэн Сяопин проспектисинде мыйзамсыз орнотулган жарнама объектилерине бөгөт коюу боюнча рейддик иш-чаралар уюштурулду. Бул тууралуу Бишкек мэриясынан билдиришти.

Маалымдалгандай, рейддик иш-чаралардын жүрүшүндө чарба жүргүзүүчү субъекттердин ээлери менен тротуарларга орнотулган көчмө жарнама объектилери боюнча түшүндүрүү иштери жүргүзүлдү. Ошондой эле кызматкерлер тарабынан 18 даана жарнама (баннерлер, афишалар, стенддер ж.б.) алынды.

Мындан тышкары Бишкек мэриясы бул багытта иштер уланып жатканын кошумчалады.