Билим берүү уюмдарынын мугалимдери үчүн вебинарлар башталды

Жалпы билим берүү уюмдарынын мугалимдери үчүн вебинарлар башталды. Бул тууралуу бүгүн, 14-августта Билим берүү жана илим министрлигинен билдиришти.

Ага ылайык, бүгүн өлкөнүн жалпы билим берүү уюмдарынын мугалимдери үчүн жаңы 2023-2024-окуу жылына карата усулдук жардам берүү максатында вебинарлар башталды.

Вебинарлар республикалык педагогикалык кызматкерлердин квалификациясын жогорулатуу жана кайра даярдоо институтунун базасында Zoom платформасы аркылуу өтүп, ага 7 миңге жакын педагог катышып жатканы айтылат.

Министрлик 15-16-17-август күндөрү Кыргыз билим берүү академиясы тарабынан өткөрүлө турган вебинарлардын темасы менен бөлүшөт.

Венибардын темалары:

- Мектепке чейинки билим берүү уюмдарында санариптик технологияларды колдонуунун жолдору;

- мектепке чейинки билим берүү уюмдарында кыргыз тилин үйрөтүүдө колдонуучу жаңы методдор жана технологиялар;

- практикага багыттап окутуу кенже мектеп окуучуларынын компетенттүүлүктөрүн калыптандыруунун негизи катары;

- 5-11-класстарда “Грамматикадан кепке технологиясын” колдонуу;

- 2023-2024-окуу жылында кыргыз адабияты предметин окутуу боюнча методикалык сунуштар;

- орус тилин экинчи тил катары окутууда текстке борборлоштурулган мамиле;

- адабият сабагындагы суроолор жана жооптор: Канткенде окуучунун үнүн угабыз.