"Баары арыздарын кайтарып алышты". Бишкекте троллейбус айдоочуларынын баары иштеп жатышат

"Бишкек троллейбус" башкармалыгында айдоочулардын баары иштеп жатышат. Бул тууралуу бүгүн, 15-августта SUPER.KG порталына аталган мекемеден билдиришти.

Маалым болгондой, эмгек кодексине ылайык айдоочунун жумуштан бошотуу боюнча арызы алар тарабынан кайтарылып алынган. Бүгүнкү күндө башкармалыкта 272 троллейбус айдоочусу бар.

"Учурда башкармалыкта 272 айдоочу иштеп жатат. Биринчи автобазада 156, экинчи автобазада 116 айдоочу эмгектенет. Айдоочулар эки нөөмөт менен иштешип, күн сайын каттамга 130 троллейбус чыгат", - деп билдиришти мекемеден.

Эске салсак, 9-августта "Бишкек троллейбус" башкармалыгында жыйын болуп, сентябрдан тарта эмгек акы 50 миң сомго чейин көтөрүлөрүн билдирген. Бирок буга айдоочулардын жарымы мындай чечимге макул эместигин айтып, 10-августта жумуштан кетүү арызын жазышкан.