Кыргыз-БАЭ ТИМдеринин ортосундагы кеңешмесинин 1-жыйыны өттү

Бишкекте Кыргыз-БАЭ Тышкы иштер министрликтеринин ортосундагы кеңешмесинин 1-жыйыны өттү. Бул тууралуу ТИМден билдиришти.

Белгиленгендей, кеңешменин жүрүшүндө тараптар кызматташууну кеңейтүүгө өз ара кызыкдар экенин ырастап, консулдук чөйрөдөгү кыргыз-эмират кызматташтыгынын актуалдуу маселелерин талкуулашты.

Ошону менен бирге Кыргыз жарандарынын Бириккен Араб Эмираттарынын аймагына кирүү процедураларын жеңилдетүү, консулдук чөйрөдөгү укуктук-келишимдик базаны кеңейтүү, ошондой эле санариптештирүү тармакта тажрыйба алмашуу боюнча мындан аркы өз ара аракеттенүү мүмкүнчүлүгүнө өзгөчө басым жасалды.

Кеңешме конструктивдүү жана өз ара түшүнүшүү рухунда өттү, анын жыйынтыгында тараптар консулдук багытта эки тараптуу кызматташтыкты мындан ары өнүктүрүү жана чыңдоо жөнүндө макулдашты.