Садыр Жапаров Владимир Путинге көңүл айтты

Өлкө башчы Садыр Жапаров Орусиянын президенти Владимир Путинге Дагестандагы май куюучу станцияда болгон жарылуудан адамдардын каза болгондугуна байланыштуу көңүл айтты. Бул тууралуу бүгүн, 15-августта президенттин басма сөз кызматынан билдирди.

“Кыргыз элинин жана жеке өзүмдүн атымдан терең кайгыруу менен көңүл айтам. Каза болгондордун үй-бүлөлөрүнө жана жакындарына орду толгус оор жоготуунун аза кайгысын тең бөлүшөм жана бардык жабыр тарткандардын тезирээк сакайып кетишин тилейм”, - деп айтылат мамлекет башчысынын телеграммасында.

Белгилей кетсек, кечээ кечинде Махачкаладагы "Глобус" соода борборунун жанында автосервис өрттөнүп, өрт май куюучу жайга өтүп, андан кийин катуу жарылуу болгон.