Бишкекте троллейбус айдоочусу болууну каалагандар бекер окутулат

Бишкекте троллейбус айдоочусу болууну каалагандар бекер окутулат. Бул тууралуу калаа мэриясынын маалымат кызматы эскертет.

Маалыматта Бишкек троллейбус башкармалыгы "Т" категориясы бар айдоочуларды өз жамаатына ишке чакыра турганы айтылат. Ал эми жаңыдан троллейбус айдоочусу болууну каалагандар №20 кесиптик лицейде акысыз курстан өтө алат. Окуу мөөнөтү 6 айды түзөт.

Курсту аяктагандан кийин расмий ишке орноштурууга жана татыктуу эмгек акыга кепилдик берилет. Муктаж болгондор үчүн окуу жайда акысыз жатакана менен да камсыздалат.

№20 кесиптик лицей Бишкек шаары, Купянский көчөсү, 30 А дарегинде жайгашкан. Байланыш телефондору: 0550 220 173.