Бишкекте бир жума ичинде 6 миңден ашуун жол эрежесин бузуу катталды

Бишкекте бир жума ичинде 6 миңден ашуун жол эрежеси бузулду. Бул тууралуу Милициянын кайгуул кызматынын басма сөз кызматы билдирди.

Маалым болгондой, 11-августтан 17-августка чейин Бишкек шаарынын айланасында Милициянын кайгуул кызмат башкармалыгынын кызматкерлери тарабынан жол кырсыктарын алдын алуу багытында жүргүзүлгөн рейддик иштердин жыйынтыгында 6 миң 307 жол эрежеси бузулганы аныкталды.

Алардын ичинен:
- 32 мас абалындагы айдоочунун транспорт каражатын башкаруусу;
- 133 айдоочу унаа каражатын көрсөтүлгөн ылдамдыктан ашыкча айдагандыгы үчүн;
- 26 айдоочу унаа каражатынын терезелерин мыйзамсыз карангылаткандыгы үчүн;
- 76 айдоочу унаа каражатын айдоочулук күбөлүгү жок башкаргандыгы үчүн;
- 3383 жол белгилеринин талаптарын аткарбагандыгы үчүн;
- 379 унаа каражатын тиешелүү каттоосу жок башкаргандыгы үчүн;
- 691 жөө жүрүүчүнүн жол кыймылынын эрежелерин бузуусу;
- 835 мотошлемдерди же коопсуздук курларын пайдалануу эрежелерин бузуу;
- 1131 башка бузуулар;
- 749 унаа атайын токтотуучу жайга токтотулган.

Бишкек шаардык Милициянын кайгуул кызматы айдоочуларды жол эрежесин так сактоого чакырат.