Кыргыз альпинисттери Япониянын эң бийик жери Фудзиямага чыгышты

Кыргыз альпинисттери Япониянын эң бийик жери Фудзиямага чыгышты. Бул тууралуу бүгүн, 21-августта Кыргызстандын альпинизм федерациясынын президенти Эдуард Кубатов социалдык тармактагы баракчасына жазып чыкты.

Ага ылайык, 20 катышуучудан турган "Kyrgyz Exped" командасы Япониянын эң бийик жери болгон Фудзиямага ийгиликтүү чыгышты.

Анын айтымында, тоого көтөрүлгөн түнү чокуга чейин 2 миң 400 метр бийиктиктеги маршрут жабылып, эң татаал Gotomba жолу менен чокуга чыгууга туура келген.

"Биз түнү менен 1 миң 430 метр бийиктиктен түшүп, катаал жол менен 3 миң 800 метр бийиктикке карай басып жүрдүк. Бир түндө Кыргызстандын командасы 2 миң 400 метр тик көтөрүлүп, 15 чакырымдан ашык жолду басып өттү.

Жалпысынан алганда, Фудзияма бизге чоң сабак берди. Акыры, 21-август күнү таңга маал 20 кыргызстандык биздин кызыл туубуз менен ак калпак кийип, чокуда күндүн чыгышын биринчилерден болуп тосуп алышты", - деп жазды Кубатов.