Жалал-Абад ОИИБинде кадрдык өзгөрүүлөр болду

Бүгүн, 21-августта Жалал-Абад ОИИБинде жаӊыдан кызматка дайындалган кызматкерлер өздүк курамга тааныштырылып, атайын наам жана медалдар тапшырылды.

Облустук милициядан билдиргендей, ички иштер министринин буйругунун негизинде төмөндөгүдөй кадрдык өзгөрүүлөр болду:

- милициянын подполковниги Нурлан Озгонов Аксы РИИБинин башчысынын орун басары,

- милициянын подполковниги Алмазбек Самидинов Жалал-Абад ШИИБинин башчысынын орун басары,

- милициянын подполковниги Кубат Сатыбалдиев Базар-Коргон РИИБинин башчысынын орун басары,

- милициянын майору Асан Камчыбек уулу Токтогул РИИБинин башчысынын орун басары кызматына дайындалды.

Ошондой эле Жалал-Абад ОИИБдин тергөө кызматынын өзгөчө маанилүү иштер боюнча улук тергөөчүсү Тилек Борбуевге милициянын подполковниги атайын наамы ыйгарылды.

Мындан сырткары эл аралык мелдештерде байгелүү орундарды багындырган кызматкерлер медаль, диплом, баалуу белектер жана Жалал-Абад ОИИБдин башчысынын ыраазычылык каты менен сыйланышты.

Облустук милициянын жетекчиси Жеӊишбек Абитов кызматка дайындалган кызматкерлерди жана сыйлык ээлерин куттуктап, элибиз үчүн ак ниеттүүлүк менен кызмат өтөөгө чакырды.