1-сентябрдан тарта мектеп директорлору менен завучтардын айлыгы көбөйөт

Өлкөдө 1-сентябрдан тарта мектептердин директорлору менен окуу бөлүмүнүн башчыларынын (завуч) айлыктары 50 пайызга чейин жогорулайт. Бул тууралуу бүгүн, 21-августта Билим берүү жана илим министрлигинен билдирди.

Маалыматка ылайык, мурда 13 жылдык стажы бар 100-600 окуучу билим алган мектеп директору 19,1 миң алса, эми 28,7 миң сом болуп көбөйдү. 1800дөн ашык окуучусу болсо 35 миң сомго чейин жетет.

Эмгек акыны жогорулатуу үчүн жылына 549 ​​миллион сом, быйылкы жылдын 1-сентябрынан тарта 183 миллион сом талап кылынат.

Белгилей кетсек, буга чейин сентябрь айынан баштап директорлордун, завучтардын жана жогорку окуу жайлардын окутуучуларынын айлык акыларын жогорулатуу пландалып жаткандыгы айтылган.