Жакартада мамлекеттик кызматкерлер октябрга чейин онлайн иштешет

Индонезиянын борбору Жакартада абанын булганышын алдын алуу чараларынын алкагында мамлекеттик кызматкерлер үйдөн иштешет. Бул тууралуу чет элдик басылмалар жазып чыгышты.

Маалым болгондой, Жакартанын убактылуу губернатору Херу Буди Хартононун буйругу менен киргизилген режимдин алкагында мамлекеттик кызматкерлердин жарымы кечээ, 21-августтан баштап 2 ай бою, ал эми 25 пайызы кийинки айдан 21-октябрга чейин үйдөн иштешет.

Ошондой эле кызматкерлердин үйлөрүнөн негизсиз чыгып кетүүсүнө жол бербөө үчүн текшерүүлөр жүргүзүлөт.

"Индонезиянын президенти Жоко Видодонун акыркы апталарда башынан өткөргөн катуу жөтөлдүн да себеби катары көрсөтүлгөн борбордогу абанын булганышы болуп саналат.

Өкмөт айлана-чөйрөнү булгагандар үчүн салыкты киргизүүнү жана заводдордо текшерүүнү күчөтүүнү пландоодо.

10 миллион калкы бар борбор шаар Жакарта, абанын сапатын иликтеген IQAir компаниясы тарабынан абанын булгануусу эк жогору шаар деп аталган", - деп айтылат маалыматта.